ၵိၼ်ၵိူဝ်ဝၢၼ်ၼမ်ပဵၼ်ၽေး !!!

ၵိၼ်ၵိူဝ်ဝၢၼ်ၼမ်ပဵၼ်ၽေး လီၾၢင်ႉ!!!

ပေႃးဢမ်ႇၶႂ်ႈပီးၼႃႇၵေႃႈယႃႇပေၵိၼ်ၵိူဝ်ဝၢၼ်ၼႃႇၶႃႈ၊

ၵမ်ႉတေပဵၼ်ရေႃးၵႃႇၵွပ်ႈမၼ်းၶႃႈယဝ်ႈ။

ၸူဝ်ႈဝူင်ႈဝၢင်ႈၼႆႉၸၢင်ႈႁၼ်ၽူႈမီးပၢႆးႁူႉလွင်ႈယူႇလီၵႆႉဢွၵ်ႇမႃးၸိၸမ်ႈၼေလွင်ႈဢမ်ႇလီ လွင်ႈၵၢၼ်မၵ်ႉၵိူဝ်ဝၢၼ်ၵၼ်ယူႇ ၵူၼ်းမိူဝ်ႈ လဵဝ်ၵႆႉၵိၼ်ၵိူဝ်ဝၢၼ်ၼမ်မႃး ဢမ်ႇၸႂ်ႈဝႃႈဢဝ်မႃးၵိၼ်မႃးသုင်ႈယူဝ်းယူဝ်း ၵမ်ႈၼမ်ၵႆႉၵိၼ်ၺႃးၼႂ်းၶဝ်ႈမုၼ်း ၶဝ်ႈပွင်း ၵႃႇၾီႇ ၼမ်ႉၼူမ်း ဢႅပ်ႉ ဢၼ်ဝၢၼ်ဢၼ်ၸဵမ်းၸိူဝ်းၼၼ်ႉၶႃႈ ယွၼ်ႉၼၼ်လႄႈႁဝ်းဢမ်ႇၸၢင်ႈဝေႈလွတ်ႈလႆႈ

ၵူၼ်းဢၼ်မၵ်ႉၵိူဝ်ဝၢၼ် ၵိၼ်ၵိူဝ်ဝၢၼ်ၼမ်ၼၼ်ႉ ၸၢင်ႈၸႂ်ႁုၵ်ႉၸႂ်ႁၢႆႉ ၸၢင်ႈႁဵတ်းၽိတ်းႁဵတ်းႁၢႆႉလႆႈဝႃႇ ပေႃးဢဝ်ၵိူဝ်ဝၢၼ်ပၼ်မႃၵိၼ် မႃၼၼ်ႉၸၢင်ႈႁၢႆႉၶီႈၶူပ်းမႃးလိူဝ်ၵဝ်ႇ ၵွပ်ႈဝႃႈတၢင်းဝၢၼ်ၼၼ်ႉႁဵတ်းႁႂ်ႈၸႂ်ႁၢႆႉ ႁဵတ်းႁႂ်ႈၸႂ်ၵျၢမ်းမႃးလႆႈ။


ၸဝ်ႈပၢႆးႁူႉလွင်ႈပၢႆးယူႇလီလွင်ႈၵိၼ်လွင်ႈသုင်းလႆႈလဝ်ႈလၢတ်ႈၼေလွင်ႈၵိူဝ်ဝၢၼ်ၸၢင်ႈႁဵတ်းႁႂ်ႈႁူဝ်ၸႂ်ႁူဝ်ၶေႃး သင်ဝႃႈႁဝ်းၵိၼ် သုင်းၵိူဝ်ဝၢၼ်ၼမ် မၼ်းၸၢင်ႈၸိုမ်းၶဝ်ႈၼႂ်းလိူတ်ႈလႆႈဝႆးၼႂ်းၶၢဝ်းယၢဝ်း 10 မိၼိတ်ႉၵူၺ်း ယဝ်ႉၵေႃႈၼႂ်းတပ်းဢွၼ်ႇႁဝ်းၼၼ်ႉတေ ထင်ႇဢိၼ်းသူးလိၼ်းဢွၵ်ႇမႃးတွၼ်ႈတႃႇ တေထိပ်ႇငုၼ်ႉၵိူဝ်ဝၢၼ်ၼၼ်ႉဢွၵ်ႇပႅတ်ႈ ထၢၼ်ႈပေႃးငုၼ်ႉၵိူဝ်ဝၢၼ်ၼၼ်ႉလူတ်းတႅမ်ႇလူင်း ဢၼ်တေပဵၼ်ၽႃႇဝ Hypoglycemia ၼႂ်းၽႃႇဝ Cerebrum ဢၼ်ပဵၼ်ၼႂ်းဢွၵ်းဢေႃႁဝ်းလွင်ႈလူၺ်ႈၵၢၼ်လဵပ်ႈႁဵၼ်း ၵၢၼ်သွၵ်ႈႁႃ လွင်ႈသတိ တေၸၢင်ႈပိၵ်ႉပႅတ်ႈ ယွၼ်ႉၼၼ်ႉလႄႈ ၵႆႉလႆႈငိၼ်းဝႃႈ ယႃႇပေၵိၼ်ၵိူဝ်ဝၢၼ်ၼမ် မၼ်းၸၢင်ႈၸႂ်ႁၢႆႉ ဝႃႈၼႆ မၢင်ပွၵ်ႈတေ ၸၢင်ႈလိုမ်းတူဝ် ႁဵတ်းၽိတ်းၵေႃႈၸၢင်ႈပဵၼ်လႆႈ။

"တၢင်းၵိၼ်ဝၢၼ်" ငဝ်ႈႁၢၵ်ႈတၢင်းလူတ်းယွမ်းသၽႃႇဝလွင်ႈယူႇလီၼိူဝ်တူဝ်ၶိင်းၵူၼ်း။


ၵူၼ်းဢၼ်မီးငုၼ်ႉၵိူဝ်ဝၢၼ်ၼႂ်းတူဝ်ၼမ် ၸၢင်ႈပဵၼ်မဝ်းဝၢၼ် "เบาหวาน" ဢမ်ႇၵွမ်ႉဝႃႈတႃႇၵူၼ်းဢၼ်ပဵၼ်ရေႃးၵႃႇၸိူဝ်းၼႆႉၵူၺ်း ၵူၼ်းဢၼ်ၵျိူၵ်ႈၵိၼ်ဝၢၼ် ၸိူင်ႉၼင်ႇၶဝ်ႈမုၼ်းဝၢၼ်ဝၢၼ်ႁိုဝ်ႉ မၢၵ်ႇမႆႉၸိူဝ်းဢၼ်ဝၢၼ် ၼမ်ႉၶူၵ်ႉ ၼမ်ႉၶူတ်ႇ မီးထႅင်ႈလၢႆၸိူဝ်ႉလၢႆပိူင် မၼ်းတေႁဵတ်းႁႂ်ႈၶူဝ်းၼႂ်းတူဝ်ႁဝ်းၼႆႉသုတ်ႈဝၢႆႉယွၼ်ႇလူင်းလိူဝ်ၵဝ်ႇတေႉတေဝႃႈဝႃႈ ႁဵတ်းႁႂ်ႈၵေႇထဝ်ႈဝႆးလိူဝ်ၵဝ်ႇ ႁႅင်းလိူတ်ႈထိပ်ႇသုင် ၶႆမၼ်းၼႂ်းလိူတ်ႈသုင် ပဵၼ်မဝ်းဝၢၼ် လုပ်ႇၽင်ႉ ပီး ၼိူဝ်ႉငွၵ်ႈ မၢၵ်ႇႁဵင်းၸိူဝ်းၼႆႉၶႃႈ ပေႃးၽႂ်ပဵၼ်ယဝ်ႉတေၸၢင်ႈထႃႉၼႃႇ လိူဝ်ၵဝ်ႇမႃးတိၵ်းတိၵ်း သင်ပဵၼ်ရေႃးၵႃႇသင်ၵေႃႈယဝ်ႉ မၼ်းတေဢမ်ႇႁၢႆသေပွၵ်ႈ မၢင်ပွၵ်ႈၵေႃႈတေၼၢၼ်းႁၢႆ ၵွပ်ႈပိူဝ်ႈဝႃႈၸိူဝ်ႉ ရေႃးၵႃႇၵူႈၸိူဝ်းၸိူဝ်း တေဢဝ်ငုၼ်ႉဝၢၼ်ပဵၼ်ဢႁႃရမၼ်းလႄႈ မၼ်းဢဝ်ၵိူဝ်ဝၢၼ်ပဵၼ်တၢင်းၵိၼ်မၼ်းယဝ်ႈ။

မၢင်ၵေႃႉထၢင်ႇဝႃႈၵိၼ်ၼမ်ႉဢွႆႈဢမ်ႇပဵၼ်သင်ယူဝ်ႉ ႁဝ်းဢမ်ႇၵိၼ်ၵိူဝ်ဝၢၼ်လူင် ၼမ်ႉဢွႆႈၵေႃႈၼင်ႇၵၼ်ပဵၼ်ၽေးလႆႈၼင်ႇၵၼ် ၵူၺ်း ႁႂ်ႈမၼ်းလီႁႂ်ႈလႆႈၵိၼ်ဢိတ်းဢိတ်းၵူၺ်း ယဝ်ႉၵေႃႈတူၺ်းတူၺ်းသေၵိၼ် မၢင်ပွၵ်ႈႁဝ်းဢမ်ႇထၢင်ႇထိူမ်ၵိၼ်ၸိူင်ႉၼင်ႇ ၼမ်ႉၶူတ်ႇ ၼမ်ႉမၢၵ်ႇမႆႉ မၢၵ်ႇတွၵ်ႇဢၼ်မီးၶၢႆယူႇၼၼ်ႉ ၵမ်ႈၼမ်သႂ်ႇၵိူဝ်ဝၢၼ်မႃးလွၼ်ႉလွၼ်ႉယဝ်ႈ။

ၵူၺ်းၵႃႈဢမ်ႇၸႂ်ႈဝႃႈတေႁေႉႁၢမ်ႈဢမ်ႇလႆႈၵိၼ်ၵိူဝ်ဝၢၼ်လႃးလႃးၵေႃႈဢမ်ႇၸႂ်ႈ ႁႂ်ႈၵိၼ်တၢၼ်ႇတၢၼ်ႇမၼ်းၵူၺ်း ၵိူဝ်ဝၢၼ်ၵေႃႈမၼ်း ၵေႃႈမီးဢၵျူဝ်းယူႇ ၵွပ်ႈဝႃႈမၼ်းမီးငုၼ်ႉၵိူဝ်ဝၢၼ် "သူးၶြူတ်ႉ" ၸၢင်ႈပဵၼ်ဢဵၼ်ပဵၼ်ႁႅင်းလႆႈယူႇ ႁႂ်ႈလႆႈတူၺ်းတူၺ်းသေၵိၼ်ၶႃႈ။


တၢင်းႁူႉပၢႆးသၢႆးၵေႃႈမီးငုၼ်ႉၵိူဝ်ဝၢၼ်ယူႇလၢႆမဵဝ်း ၸိူင်ႉၼင်ႇ ၵလူးၶြူတ်ႉလႄႈၾရၵ်ႉတူတ်ႉ တေၸၢင်ႈထူပ်းႁၼ်ၸွမ်းတူၼ်ႈမႆႉလႄႈ တူဝ်သတ်းမဵဝ်းဢၼ်မီးၸိဝိတၼင်ႇၵဝ်ႇ လႅၵ်ႉတူတ်ႉတေၸၢင်ႈမီးၼႂ်းၼမ်ႉၼူမ်းသတ်းဢၼ်ဢဝ်ၼူမ်းလဵင်ႉလုၵ်ႉ ၽၵ်းၶဵဝ်ဢၼ်ဢႃးၵူဝ်း လႅတ်ႇလူမ်းလႄႈၼမ်ႉႁႂ်ႈယဵၼ်းပဵၼ်ငုၼ်ႉၵူဝ်ဝၢၼ်ယူႇ ၵလူးၶြူတ်ႉပဵၼ်ငုၼ်ႉဝၢၼ်ဢၼ်လမ်ႉလွင်ႈသေပိူၼ်ႈ တေၸၢင်ႈယူႇၼႂ်းလိူတ်ႈ ၵူၼ်းလႄႈသတ်း ၼႂ်းၼမ်ႉတူၼ်ႈမႆႉတူၼ်ႈတွၵ်ႇ။

ၵိူဝ်ဝၢၼ်ၵူႈၸိူဝ်းၸိူဝ်းပဵၼ်သၢၼ်ၶေးမီးၶႃးၿြူဝ်းႁႆႈၻြဵတ်ႇ လႄႈၶႃးၿွၼ်ႈ ႁႆးၻြူဝ်းၸဵၼ်ႈ ဢွၵ်ႉသိၸဵၼ်ႈ။


ၵူၺ်းၵႃႈၽႂ်ၵျိူၵ်ႈၵိၼ်ၵိူဝ်ဝၢၼ်ၼမ် ၵႆႉပီးၼမ်ႉၸင်ႈလိူဝ်မႃးတိၵ်းတိၵ်းယဝ်ႈ ႁဵတ်းႁႂ်ႈပဵၼ်ၵူၼ်းပီး ယဝ်ႉၵေႃႈရေႃးၵႃႇဢၼ်တေမႃးၸွမ်း တၢင်းပီးၼမ်ၼၼ်ႉၵေႃႈတေပဵၼ် မဝ်းဝၢၼ် ႁႅင်းလိူတ်ႈထိပ်ႇသုင် မူၵ်ႇလိူတ်ႈမၢၵ်ႇႁူဝ်ၸႂ်တၼ်ဢမ်ႇပွင်ႇၽိဝ်ႇလႆႈ။


တွၼ်ႈတႃႇၵေႃႉဢၼ်တေပီးမႃး ဢမ်ႇၼၼ်ၵေႃႈပီးမႃးႁိုင်ယဝ်ႉၼႆၵေႃႈ ဢၼ်ႁဝ်းလူဝ်ႇလႆႈၾၢင်ႉသတိလွင်ႈယူႇလွင်ႈၵိၼ်ၼၼ်ႉ တေ လႆႈဝႆႉသတိလွင်ႈၵိၼ်ၵိူဝ်ဝၢၼ်ၼမ်လိူဝ်ၼမ်ႉမၼ်းလူးၵွၼ်ႇ သင်ႁဝ်းဢမ်ႇဝႆႉသတိလွင်ႈၵိၼ်ဝၢၼ် ပဵၵ်ႉသမ်ႉဝႃႈႁဝ်းလူတ်းယွမ်းလွင်ႈၵိၼ် ၼမ်ႉမၼ်း မၵ်ႉၼမ်ႉမၼ်းတၢၼ်ႇႁိုဝ်ၵေႃႈ သင်ဝႃႈယင်းဢမ်ႇဝႆႉသတိလွင်ႈၵိၼ်ၵိူဝ်ဝၢၼ်မၼ်းၵေႃႈတေဢမ်ႇၸၢင်ႈယွမ်လူင်းလႆႈ ၵွပ်ႈဝႃႈ ၼႂ်းၵိူဝ်ဝၢၼ်မီးထၢတ်ႈၶေးမီး ငုၼ်ႉဝၢၼ် "ၾရုၵ်ႉတူတ်ႉ" လႄႈ ငုၼ်ႉဝၢၼ်ၼႆႉတူဝ်ၶိင်းႁဝ်းလုတ်ႇၸိုမ်းဢဝ်ၵႂႃႇၸႂ်ႉလႆႈငၢႆႈၼႃႇလႄႈ တေ ၸၢင်ႈႁဵတ်းႁႂ်ႈငုၼ်ႉဝၢၼ်ၼႂ်းလိူတ်ႈတူဝ်ႁဝ်းထိပ်ႇသုင်ၶိုၼ်ႈလႆႈ။

ၸွမ်းၼင်ႇလၢႆးႁဵတ်းၵၢၼ်လွင်ႈတူဝ်ၶိင်းႁဝ်းၼၼ်ႉ တပ်းဢွၼ်ႇတေႁဵတ်းဢွၵ်ႇဢိၼ်းသူးလိၼ်းတွၼ်ႈတႃႇတေဢဝ်မႃးလူတ်းငုၼ်ႉဝၢၼ် ၼႂ်းလိူတ်ႈ ၵူၺ်းၵႃႈမၢင်ၵေႃႉဢမ်ႇလႆႈၸႂ်ႉဢဵၼ်ႁႅင်းၼမ်လႄႈ ငုၼ်ႉဝၢၼ်ၼႂ်းတိူဝ်ႁဝ်းတေၶိုၼ်းပိၼ်ႇဝၢႆႉၵႂႃႇပဵၼ်ၶႆမၼ်းသိမ်းဝႆႉၸွမ်းတူဝ် ၶိင်းႁဝ်းလႄႈ ယွၼ်ႉၼၼ်ႁဝ်းၸၢင်ႈႁၼ်ၵူၼ်းပီးၼမ်ယူႇ မၢင်ၵေႃႉပီးၸဵမ်လဵၵ်ႉယဝ်ႈ ပေႃးပွႆႇဝႆႉႁိုင်တေၸၢင်ႈပဵၼ်ရေႃးၵႃႇယွၼ်ႉတၢင်း ၵိၼ်ဝၢၼ်ၼၼ်ႉယဝ်ႈ။


ရေႃးၵႃႇဢၼ်မႃးၸွမ်းၵူၼ်းပီးၼၼ်ႉ ၸိူင်ႉၼင်ႇ မဝ်းဝၢၼ် ႁႅင်းလိူတ်ႈထိပ်ႇသုင် မၢၵ်ႇႁူဝ်ၸႂ် ၶႆမၼ်းဢုတ်းၼႂ်းမူၵ်ႇလိူတ်ႈ မၢင်ၸိူဝ်းၵေႃႈ တေၸၢင်ႈပဵၼ်ပႃးႁူဝ်ၶဝ်ႇ လုပ်ႇဢဵၼ်ၶတ်း ၵႅင်ႉ ၵွပ်ႈဝႃႈမၼ်းၶေႃႈတိၼ် ႁူဝ်ၶဝ်ႇႁပ်ႉၼမ်ႉၼၵ်းတူဝ်ၶိင်းၼမ်လႄႈ ၶေးတေၸၢင်ႈပဵၼ် ႁူဝ်ၶဝ်ႇ ၶေႃႈတိၼ်ၶတ်းၵႅင်ႉ သဵင်ႈၵႃႈယူတ်းယႃၼမ် ၵႂႃႇလႂ်ၵေႃႈယၢပ်ႇ။

ၸႂ်ႈယူႇတၢင်းဝၢၼ်ၵိူဝ်ဝၢၼ်ႁဵတ်းႁႂ်ႈႁဝ်းၵျိူၵ်ႈၵိၼ် မၵ်ႉၵၼ် ၵူၺ်းၵႃႈပေႃးႁၼ်တူတ်ႈ ႁၼ်တၢမ်ႇ လွင်ႈၶၢမ်ႇမၼ်းၼမ်ၸိူင်ႉၼႆယဝ်ႉလီ ၾၢင်ႉဝႆႉသတိၵၼ်ၵျႃႉ ဢမ်ႇလႃႈလီႈၵိၼ်ဝၢၼ်တိၵ်းတိၵ်း။

မသင်ၽႂ်ႁူႉတူတ်ႈတၢမ်ႇမၼ်းယဝ်ႉၼႆၵေႃႈ ႁႂ်ႈလႆႈဝေႈလွတ်ႈၵၼ်ၶႃႈ ၵိၼ်ၼႆၵေႃႈႁႂ်ႈမၼ်းဢေႇလူင်း မႂ်ႇမႂ်ႇၵေႃႈတေၸၢင်ႈၸႂ်ႁၢႆႉ ဢိတ်းၼိုင်ႈ ၵွပ်ႈပိူဝ်ႈဝႃႈမၼ်းပဵၼ်တၢင်းယၢမ်ႈၶႃႈ တေႁႂ်ႈမႃးၶျေႃႉၵမ်းလဵဝ်ဢမ်ႇၸၢင်ႈပဵၼ်လႆႈ ၵွႆႈလူတ်းယွမ်းၵမ်းဢိတ်းဢိတ်းဢဝ်။

မႃးလုမ်းလႃးတူဝ်ၶိင်းၸဝ်ႈၵဝ်ႇႁႂ်ႈယူႇလီ(ဢမ်ႇ)ၵိၼ်ဝၢၼ်ၵၼ် တေလႆႈသိူဝ်းၵျေႃႇ တေဢမ်ႇလႆႈၶၢမ်ႇတၢမ်ႇမၼ်းယွၼ်ႉတၢင်းၵိၼ်ဝၢၼ်။

မႂ်ႇသုင်ၶႃႈ။