ႁႃႁဵပ်းတွပ်း

 မႂ်ႇသုင်ၶႃႈ မိူဝ်ႈၼႆႉၶႃႈႁဝ်းတေမႃးတႅမ်ႈၼေလွင်ႈတူဝ်ထူပ်းလွင်ႈ "ႁႃႁဵပ်းတွပ်း"

ၸွမ်းၼင်ႇလၢတ်ႈ မိူဝ်ႈၼႆႉဝၼ်းတီႈ 14 လိူၼ် ၵျုၼ်ႇ ပီ 2023 ၶဝ်ႈၶၢဝ်းၾူၼ်တူၵ်းယဝ်ႉလႄႈ ပဵၼ်ၽွင်းႁဵပ်းတွပ်းဢွၵ်ႇ ၸွမ်းၼင်ႇတူဝ်ထူပ်းၼႆၵေႃႈၶႃႈႁဝ်းတေမႃးလၢတ်ႈလွင်ႈႁႃႁဵပ်းတွပ်းပၼ်

- ႁဵပ်းတွပ်းၵျိူၵ်ႈပႃႇမႆႉတိုင်း 

- မီးၾႆးမႆႈပႃႇ

- ၽူၼ်တူၵ်း လႅတ်ႇဢွၵ်ႇ ၾူၼ်ဢမ်ႇထၢတ်ႇ လွႆဢမ်ႇႁႅင်ႈ

- ဢၼ်မၼ်းၵႆႉဢွၵ်ႇ ႁွႆးၾႆးမႆႈ တႂ်ႈတူၼ်ႈမႆႉတိုင်း ၸွမ်းတၢပ်ႈ ၸွမ်းၽင်ႇႁူၺ်ႈ တီႈမၢၵ်ႇႁိၼ်ၶွၵ်းၶႅၵ်း

- ဢဝ်ၸေႃႉ ဢမ်ႇၼၼ်ႁဵတ်းၽိူဝ်ၶႅင်းလဵၵ်းငုၺ်ႉတူၺ်းလီလီ ၵႆႉမူၵ်းၸွမ်းလိၼ် ၸွမ်းသၢႆး ယူႇၸွမ်းမၢၵ်ႇႁိၼ်ၶေႃႈၶႄႈ 

- ယွၼ်ႉမၼ်းႁၼ်ယၢပ်ႇလႄႈ ပႆလေႇလဵပ်ႈႁႃတူၺ်းၵွၼ်ႇ ပေႃးၺႃးၼိုင်ႈႁူၺ်ႇ သွင်ႇႁူၺ်ႇယဝ်ႉ ယႃႇပေၵႂႃႇၵႆ ႁႃၸူၺ်းၸွမ်းႁိမ်းႁွမ်း ဢဝ်ၸေႃႉ ဢမ်ႇၼၼ်ၽိူဝ်ၶႅင်းငုၺ်ႉတူၺ်းလီလီ မၼ်းၵႆႉမူၵ်းလိၼ်မူၵ်းသၢႆး 

- ႁႂ်ႈလႆႈမီးတၢင်းသိူဝ်းၸႂ်ၵၼ်ၶႃႈ။

မၼ်းၵႆႉဢွၵ်ႇတီႈမၢၵ်ႇႁိၼ်ၶေႃႈၶႄႈ ပေႃးဢမ်ႇတူၺ်းလီလီဢမ်ႇႁၼ်

ပႃႇမႆႉတိုင်းဢၼ်မၼ်းဢွၵ်ႇၶႃႈ ပီၼႆႉၼၢၼ်းဢွၵ်ႇဝႆႉၵွပ်ႈၾူၼ်ၼၢၼ်းတူၵ်း

ဢၢၵ်ႇၶၢင်ႁူဝ်ၶဵဝ်

ဢၢၵ်ႇၶၢင်ႁူဝ်ၶဵဝ် ၶိူဝ်းလဵဝ်ၵၼ်တၢင်း ငိူၵ်ႈ လႅၼ်း သတ်းဢၼ်လိူၼ်ႈၵၢၼ်း ႁူဝ်ၶဵဝ်မၼ်းၼၼ်ႉမၢင်ပွၵ်ႈၵေႃႈလၢႆႈပိၼ်ႇပႅတ်ႈပဵၼ်တၢင်ႇသီၵေႃႈမီးယူႇ ၵမ်ႈၼမ်တေႉမၼ်းၵျိူၵ်ႈလၢႆႈပဵၼ်သီၶဵဝ် ၸင်ႇႁွင်ႈဝႃႈ ဢၢၵ်ႇၶၢင်ႁူဝ်ၶဵဝ်

 

ၽၵ်းၶဵဝ်ၶူဝ်ႈ "လၢင်းၶိူဝ်း"

မႂ်ႇသုင်ၶႃႈ မိူဝ်ႈၼႆႉၶႃႈႁဝ်းတေမႃးတႅမ်ႈလၢႆးႁဵတ်းၽၵ်းၶဵဝ်ၶူဝ်ႈ "လၢင်းၶိူဝ်း" ၵွပ်ႈဝႃႈႁဝ်းၶႃႈပဵၼ်ၵူၼ်းလၢင်းၶိူဝ်း ယဝ်ႉၵေႃႈလႆႈၵိၼ်ၽၵ်းၶဵဝ်ၶူဝ်ႈလၢႆးႁဵတ်းၸိူဝ်းၼႆမႃးႁိုင်ယဝ်ႉ ပေႃႈထဝ်ႈႁဝ်းၶႃႈၵေႃႈႁဵတ်းၸိူင်ႉၼႆ မႄႈႁဝ်းၶႃႈ ၵေႃႈႁဵတ်းၸိူင်ႉၼႆ ၶႃႈႁဝ်းလုၵ်ႈလၢၼ်ၼႆၵေႃႈယိူင်ႈၸွမ်းၵူၺ်းၼင်ႇၵဝ်ႇ ၽၵ်းၶဵဝ်ၶူဝ်ႈလၢင်းၶိူဝ်း လႆႈငိၼ်းဝႃႈ ဝၢၼ်ႈႁၢတ်ႇၸိူဝ်းၼႆႉၵေႃႈႁဵတ်းၸိူင်ႉၼႆယဝ်ႈ ထွမ်ႇဝႃႈမေႃႈၽၵ်းၶဵဝ်ၶူဝ်ႈၼၼ်ႉႁွၼ်ႇလၢင်ႉၶႃႈၼႄႇ ပေႃးၵႅင်ယဝ်ႉ ၵေႃႈဢဝ်ၵႂမ်ႈဝႆႉၵူၺ်း လူဝ်ႇႁဵတ်းမိူဝ်ႈလႂ်ၵေႃႈဢဝ်မႃးတၢင်ႇၾႆးၶိုၼ်းႁုင်ၵႅင် မၼ်းဢမ်ႇမဵၼ်သူမ်ႈၵွပ်ႈဝႃႈၼမ်ႉ ၽၵ်းဢၼ်ၸပ်းမေႃႈမၼ်းႁႅင်ႈယဝ်ႉ ဢမ်ႇတၢပ်ႈလူဝ်ႇလၢင်ႉ "ဢိဢိ" လႆႈငိၼ်းဝႃႈၽႂ်လၢင်ႉမေႃႈၽၵ်းၶဵဝ်ၶူဝ်ႈ ၼႆႉတေၽိတ်းၸႂ်ၺႃးလႃႇၼႆၶႃႈဝႃႇ ယႃႇလူမ်းလူင်မႃးတူၺ်းလၢႆးမၼ်းလူး။

..... ၽၵ်းၶဵဝ်မီးသင်လၢႆလၢႆ
ၽၵ်းဢၼ်သွၵ်ႈႁႃလႆႈဢွင်ႈတီႈလႂ်ဢွင်ႈတီႈၼၼ်ႉ ပဵၼ်ၸိူဝ်းၽၵ်းၼိူဝ်ႉၵႆႇ ၽၵ်းၽဵတ်း ယွတ်ႈမၢၵ်ႇၽိတ်ႉ ယွတ်ႈမၼ်း ၽၵ်းပၵ်ႉ ၽၵ်းဢၢင်ႈၶၢင် ၽၵ်းၸွၼ်းဢေႃႈ ယွတ်ႈထူဝ်ႇ ၽၵ်းၶၢပ်ႇၵေႃႈဢမ်ႇၵိုတ်းမၢင်တီႈၼႆႉ ၵမ်ႈႁဝ်းမီးၼၼ်ႉၶႃႈ

..... ဢူၼ်ၽၵ်းမၼ်းၸမ်ႉ
ၵႅၼ်ႇထူဝ်ႇၼမ်ႉၼၵ်း ထူဝ်ႇႁႆႈ ထူဝ်ႇတႅပ်ႇ မၢၵ်ႇႁႅင်ႈၶူင်း မၢၵ်ႇၶိူဝ်ၼုမ်ႇ မၢၵ်ႇၽိတ်ႉ မၢၵ်ႇတီႇ ၵမ်ႈၼမ်ၵျိူၵ်ႈၵႅၼ်ႇ ထူဝ်ႇၼမ်ႉၼၵ်း ၵွပ်ႈဝႃႈမၼ်းဢူၼ်လီဝႃႈၼၼ်ၶႃႈ

..... ၵိရိယႃႇၸမ်ႉ 
.....ထူဝ်ႇၼဝ်ႈလိပ်း ၸီႇၵေႃႈလႆႈယူႇ ၵူၺ်းၵႃႈၼႃႇႁၢင်ႈဝႃႈပေႃးသႂ်ႇထူဝ်ႇၼဝ်ႈဢၼ်ဢမ်ႇလႆႈၸီႇၼၼ်ႉၶႂ်ႈ ဝၢၼ်လိူဝ်။
.....ၵိူဝ်
.....ၽွင်ဝၢၼ်

လၢႆးႁဵတ်းၵေႃႈသႆႉၽၵ်းၶဵဝ်ဝႆႉလူးၵွၼ်ႇ ၽၵ်းတၢင်ႇမဵဝ်းလေႃးလေး ၵၼ် သႆႉၽၵ်းဢၢင်ႈၶၢင်ဝႆႉႁင်းၵူၺ်းမၼ်း ၵွပ်ႈဝႃႈမၼ်းၶူမ် သႆႉၵႅၼ်ႇထူဝ်ႇ မၢၵ်ႇၽိတ်ႉလိပ်း မၢၵ်ႇၶိူဝ်ဝႆႉထႃႈ

ဢဝ်မေႃႈတင်ႈၾႆႈ သင်ၸိူဝ်းမီးမေႃႈလိၼ်တေႉတေၶိုၵ်ႉယူႇ ၵူၺ်းၵႃႈၶႃႈ ႁဝ်းဢမ်ႇမီး ၸႂ်ႉမေႃႈၶၢင်ဢဝ်ၵႂႃႈ ၸႂ်ႉလႆႈၼင်ႇၵၼ် ဢဝ်ၼမ်ႉသႂ်ႇ ဢဝ် ထူဝ်ႇၼဝ်ႈလိပ်းတွတ်ႈလူင်း 2 - 3 ၶႅပ်း ဢဝ်ဢူၼ်ၽၵ်းဢၼ်ပဵၼ်မၢၵ်ႇ ၽိတ်ႉလိပ်း ၵႅၼ်ႇထူဝ်ႇ မၢၵ်ႇၶိူဝ်ၸိူဝ်းၼၼ်ႉလူင်းတူမ်ႈ ဢဝ်ၵိူဝ်သႂ်ႇပႃး ၸွမ်း ပႂ်ႉထႃႈဝႆႉတေႃႇၼမ်ႉမၼ်းၸမ်ႁႅင်ႈ












..... တူမ်ႈၵႂႃႇယဝ်ႉႁေၸူဝ်ႈၼိုင်ႈ ၼႆႉၶႃႈၼမ်ႉၽၵ်းၸမ်ႁႅင်ႈယဝ်ႉ။

..... ၸမ်တေႁႅင်ႈယဝ်ႉဢဝ်ၵၢၵ်ႇၼိုတ်ႈၼႆၶႃႈဝႃႇ ၵၢၵ်ႇဢၼ်ၼိုတ်ႈဢူၼ်ၽၵ်းၼၼ်ႉ ႁွင်ႉဝႃႈၵၢၵ်ႇဝွၵ်းၼႆၶႃႈဝႃႇ ၶႃႈႁဝ်းဢမ်ႇမီးဢဝ်ၸေႃႉလူင်ၼႆၵေႃႈဢၢပ်ႈတေလႆႈယူႇ သင်ၸိူဝ်းဝႃႈၵိူဝ်ဢမ်ႇထိုင်ၼႆၵေႃႈႁႂ်ႈထႅင်ႈသႂ်ႇမိူဝ်ႈလဵဝ် ၼႆႉယဝ်ႈ ၽွင်ဝၢၼ်ၵေႃႈသႂ်ႇမိူဝ်ႈလဵဝ်ၼႆႉယဝ်ႈ ။

..... သင်ၸိူဝ်းဝႃႈႁဝ်းမီးမၢၵ်ႇတီႇ မၢၵ်ႇပၵ်ႉၼုမ်ႇ မၢၵ်ႇဢၢင်ႈၶၢင် ႁဵပ်းၸိူဝ်းၼႆႉၼႆၵေႃႈဢဝ်သႂ်ႇၸွမ်းမိူဝ်ႈလဵဝ်ၼႆႉ လႆႈထႅင်ႈ တေထႅင်ႈတၢင်းႁၢင်ႈလီ လီၵိၼ်မႃးထႅင်ႈတင်းၼမ်။

..... ပႂ်ႉထႃႈထႅင်ႈၵမ်းၼိုင်ႈ မေႃႈၸမ်ႁႅင်ႈ သင်ၸမ်တေၶႅမ်ႈယဝ်ႉၼႆၸိုင် ႁႂ်ႈဢဝ်ၽၵ်းၶဵဝ်လေႃးလႄးၸိူဝ်းၼၼ်ႉ လူင်း

..... ဢဝ်ၽၵ်းလူင်းၶူဝ်ႈ ၶူၼ်းႁႂ်ႈၶဝ်ႈသုၵ်းၶဝ်ႈၵၼ်တင်းဢူၼ်မၼ်း ၽိုၼ်ႉၵႂႃႇၽိုၼ်ႉမႃးတိၵ်းတိၵ်း ၵမ်ႉမၼ်းတေ သုၵ်း ၵူၺ်း ပဵၵ်ႉသမ်ႉဝႃႈပွႆႇၼမ်ႉမၼ်းႁႅင်ႈယဝ်ႉၵေႃႈမိူဝ်ႈႁဝ်းဢမ်ႇၽၵ်းလူင်းၼၼ်ႉမၼ်းတေမီးၼမ်ႉမႃးႁင်း ၵူၺ်း သင်ၼမ်ႉဢူၼ်ၽၵ်းဢမ်ႇႁႅင်ႈတေႉ ၸၢင်ႈႁဵတ်းႁႂ်ႈၽၵ်းၶဵဝ်ၶူဝ်ႈပိူဝ်ႉ ၼမ်ႉၸိုဝ်ႉၸႃႉဢမ်ႇဝၢၼ် ဢမ်ႇတၢၼ်ႇ ၸိုဝ်ႈႁွင်ႉဝႃႈ "ၽၵ်းၶဵဝ်ၶူဝ်ႈ"။

..... ၼႆႉၶႃႈၸမ်တေသုၵ်းယဝ်ႉထိုင်တီႈယဝ်ႉ

..... ၵမ်းၼႆႉၵေႃႈ ဢဝ်ၽၵ်းဢၢင်ႈၶၢင်လူင်း ၶူၼ်းထႅင်ႈၸူဝ်ႈၵမ်းၼိုင်ႈႁႂ်ႈသုၵ်းၶဝ်ႈၵၼ်ၵေႃႈယဝ်ႉယဝ်ႉ။

..... တၵ်းသႂ်ႇဝၢၼ်ႇမႃးလႄႈ ပၼ်ႈၶဝ်ႈၼဵဝ်သေဝူၺ်ႉၵပ်းၽၵ်းၶဵဝ်ၶူဝ်ႈဝၢၼ်ဝၢၼ် ပီႈၼွင်ႉတၢင်းႁွင်ႇတၢင်းၸၢၼ်း မႃးလေႇ ၵေႃႈဢမ်ႇတၼ်းႁွင်ႉယဝ်ႉ။

..... ၸၢမ်းႁဵတ်းတူၺ်းၶႃႈလႄႈ၊
..... မႂ်ႇသုင်ၶႃႈ။