လွင်ႈသၽဝ ၼမ်ႉလိၼ်ႁိၼ်ၽႃၵၢပ်ႈပၢၼ်မိူဝ်ႈလဵဝ်လႅၵ်ႈလၢႆႈၵႂႃႇတိၵ်းတိၵ်း ၵူၼ်းၸႂ်ႉသၢၼ်ၶေးမီးၵိူၼ်ႈၼမ်ၶိုၼ်ႈမႃးလူင်လၢင်မၼ်း
ႁဵတ်းႁႂ်ႈတူဝ်သတ်းဢၼ်ပိုင်ႈဢိင်ထၢတ်ႈၼမ်ႉ ထၢတ်ႈလိၼ်ယူႇၸိူဝ်းၼၼ်ႉ ဢမ်ႇမေႃလႅၵ်ႈလၢႆႈၸွမ်းမၢင်တီႈလိၼ်မီးၵွင်ႉမီးယၢင်ၼမ်
ၼမ်ႉၼဝ်ႈ ၼမ်ႉတူႇ ၸႂ်ႉတိုဝ်းဢမ်ႇလႆႈ တေသိုဝ်ႉၵိၼ်ၽၵ်းယိူဝ်ႈ ၼၢင်းၶဵဝ်ဢွၼ်ႇၵူၺ်းၵေႃႈလီၵူဝ် လီၽၢၼ်ႈ ၵူဝ်ပိူၼ်ႈၽူႇယႃႈၵွင်ႇ
ၸင်ႇဝႃႈတူဝ်သတ်းဢွၼ်ႇဢၼ်ႁဝ်းယၢမ်ႈႁၼ် ၼႂ်းတူင်ႈၼႂ်းၼႃးၼႆၵေႃႈ မိူၼ်ႁၢင်ႈဝႃမၼ်းတေဢေႇမၢင်လူင်းတေႉတေႉ တူၺ်းဢဝ်
တူဝ်သတ်းဢွၼ်ႇဢွၼ်ႇၸိူင်ႉၼင်ႇၶဵတ်ႇႁိုဝ်ႉ ပႃႁိုဝ်ႉၸိူဝ်းၼႆႉ မၢင်တီႈဢမ်ႇႁၼ်ယဝ်ႉ မၼ်းဢမ်ႇၶၢမ်ႇလႆႈယႃႈၵွင်ႉ ၸႃႉတၢႆၵေႃႈတေတၢႆ
ၸႃႉဢၼ်မီးယူႇၼႆၵေႃႈတေဢမ်ႇပေႃးၵျိူၵ်ႈၵႃႈႁိုဝ် မိူဝ်ႈၼႆႉၶႃႈထၢႆႇၶႅပ်းႁၢင်ႈ "ၶဵတ်ႇမႃးပၼ်တူၺ်း" ယူဝ်ႁဝ်းၸၢင်ႈၶုၵ်းၸႂ်လႆႈမၼ်း ႁဝ်း
ဢမ်ႇၸႂ်ႈဝႃႈတေလႆႈႁၵ်ႉမၼ်းပိူင်လဵဝ် ႁဝ်းဢွၼ်ၵၼ်မႃးတူၺ်းဝႃႈ ဢၼ်မၼ်းမီးယူႇၼႆႉၵွပ်ႈသင် လိူဝ်သေဝႃႈတီႈယူႇၼၼ်ႉဢမ်ႇမီးၽေး
တႃႇမၼ်းလႄႈ မၼ်းၵူၺ်းယူႇလႆႈ သင်ဝႃႈတီႈဢၼ်မၼ်းယူႇၼၼ်ႉ မီးၵွင်ႉ မီးသၢၼ်ၶေးမီးၼႆၸိုင် ႁဝ်းတေဢမ်ႇၸၢင်ႈထူပ်းႁၼ်မၼ်း
လႆႈယဝ်ႈ။
မႂ်ႇသုင်ၶႃႈ ၵေႃႉႁၵ်ႉသၽဝယူႇသဝ်းႁဝ်းၵူႈၵေႃႉ။
ၸၢမ်းယိပ်းမႃးတူၺ်းလူး ၸွင်ႇမၼ်းငေႈႁိုဝ်ၼၼ်ႉ။
ၼၼ်ႉၵျွၵ်းပၢႆႈၵႂႃႇပႅတ်ႈယဝ်ႉၼၼ်ႉ။
ၶဵတ်ႇဢွၼ်ႇ
ၸွင်ႇမၼ်းလီႁၵ်ႉႁိုဝ်ပီႈပီႈၶဝ်ဝႃႈ။
No comments:
Post a Comment