မိူဝ်ႈၼႆႉလႆႈၵႂႃႇၵၢတ်ႇ ၵႂႃႇလႆႈမႃးပႃဢွၼ်ႇသွင်ထူင် ၽိူဝ်ႇမႃးၵီႈတူၺ်းၸွၵ်းမၼ်းၸိုင်မီးပႃလေႃးလေးၵၼ်လၢႆမဵဝ်းယူႇ ပႃဢၼ်သိုဝ်ႉမႃး
ၼႆႉ ပွင်ႇဝႃႈၵူၼ်းဢဝ်မႃးၶၢႆၵႂႃႇတဵင်ၵေးၼမ်ႉ ဢမ်ႇၼၼ်ၵေႃႈၵႂႃႇႁႅတ်ႉႁွင်ႈၼႃး ႁဵတ်းသင်လႄႈဝႃႈၸိူင်ႉၼၼ် တူၺ်းဢဝ်ပႃဢၼ်သိုဝ်ႉ
မႃးၼၼ်ႉ ၵူၺ်းၵေႃႈတေႁူႉယဝ်ႉၶႃႈ။
ပႃဢွၼ်ႇဢၼ်ၶႃႈၵႂႃႇသိုဝ်ႉမႃးၼႂ်းၵၢတ်ႇ တူဝ်လဵၵ်ႉလဵၵ်ႉဢွၼ်ႇတၢၼ်ႇၼိဝ်ႉ သွင်ၼိဝ်ႉၼၼ်ႉၶႃႈယဝ်ႈ။
ပႃပွၵ်းဢွၼ်ႇ
ပႃမုတ်ႈ
တူၺ်းၸမ်ၸမ်
ပေႃးမႃးၸႅၵ်ႇၽေ ထတ်းတူၺ်းယဝ်ႉ တေႁၼ်ပႃလၢႆမဵဝ်းလေႃးလေးၵၼ်ယူႇ
ၼႆႉပဵၼ်ပႃမုင်းဢွၼ်ႇ
ပႃၶီး လိူမ်ႈလိူမ်ႈဝႆႉ ပဵၼ်ပႃဢမ်ႇမီးၵဵတ်း တူဝ်ယႂ်ႇသုတ်းတၢၼ်ႇႁူဝ်မေႈမိုဝ်းၵူၺ်းၶႃႈ
ပႃပွၵ်း ၵျိူၵ်ႈၼမ်ႉယိုင်ႈ တူဝ်ယႂ်ႇတေႉတေႉတၢၼ်ႇၽႃႇမိုဝ်းၼၼ်ႉၶႃႈ ၵျိူၵ်ႈၵိၼ်ယိူဝ်ႇၵူႈၸိူဝ်း မူတ်ႉမႅင်း တိူၵ်ႇလိူၼ်
ပႃႁဵၵ်ႇ
ပႃၶႅဝ်ႉ လင်မၼ်းမီးၼၢမ်ႇ ပေႃးတိဢမ်ႇသၢင်ႇထုၵ်ႇ ၸၢင်ႈၺႃးၼၢမ်ၵၢင်လင်မၼ်း ငၢႆးၼင်ႇလႃးလိူဝ်ႈ ဢူင်ႈမိုဝ်းၵႆႉလိူတ်ႈၼႃႇ။
ပႃမုတ်ႈ ပဵၼ်ပႃတူဝ်ၵူမ် တူဝ်ယႂ်ႇတေႉတေႉ ဢၼ်ၶႃႈယၢမ်ႈႁၼ်မႃး တၢၼ်ႇၵၼ်းၽႃႉၼၼ်ႉၶႃႈ မၼ်းၵျိူၵ်ႈၵိၼ်ၶႆးမၢၵ်ႇႁိၼ် ဢဝ်ႁဵတ်းၶီႈပႃသူမ်ႈလႆႈ။
ပႃမွမ်ႈ ပဵၼ်ပႃဢၼ်ၵျိူၵ်ႈယူႇၸွမ်းၼမ်ႉၵႅဝ်ႈ ၸွမ်းၵႅင်ႇ တူဝ်ယႂ်ႇတေႉတေႉ တၢၼ်ႇၽႃႇမိုဝ်း မၢင်တူဝ်ယႂ်ႇတၢၼ်ႇသွၵ်ႇၵမ်ၼၼ်ႉၶႃႈ။
ပႃၽႆး မဵဝ်းၼႆႉတေႉတူဝ်လဵၵ်ႉတၢၼ်ႇႁူဝ်မေႈမိုဝ်းၵူၺ်း။
ပႃႁူဝ်ၼုမ်ႇ မီးငႅင်းၼင်ႇၵဝ်ႇ ၵူၺ်းၵႃႈဢမ်ႇပတ်ႉႁၢႆႉတၢၼ်ႇပႃလုၵ်း
ပႃမုင်းဢွၼ်ႇ
ပႃၶီး လႆႈလၢတ်ႈယဝ်ႉ ဢဝ်မႃးၼေထႅင်ႈၶႅပ်းႁၢင်ႈၼိုင်ႈ
ပႃႁဵၵ်ႇ ငၢႆးမိူၼ်ပႃပွၵ်း ၵူူၺ်းၵႃႈၶၢင်ႈမၼ်းတေလၢႆးလၢႆးဝႆႉ မၢင်တူဝ်လၢႆးသွမ်ႇသွမ်ႇဢွၼ်ႇ ၵျိူၵ်ႈယူႇၸွမ်းႁူၺ်ႈ
ပႃမုတ်ႈဢွၼ်ႇ
No comments:
Post a Comment