မႅင်းၵႅင်းလႄႈမႅင်းတၢင်ႇမဵဝ်း

တၢင်းမူၼ်ႈၵျေႃႇၵူၼ်းႁဝ်းၼၼ်ႉဢမ်ႇမိူၼ်ၵၼ် မၢင်ၸိူဝ်းၵျိူၵ်ႈႁႃၵေႃႉႁႃသေႈ ႁႃလေႇလၢဝ်းဝၢၼ်ႈတႂ်ႈဝၢၼ်ႈၼိူဝ် မၢင်ၵေႃႉသူင်မၵ်ႉ လွင်ႈၵိၼ်ယႅမ်ႉ ၵၢၼ်ပႆလဵၼ်ႈပႆလေႇ မၢင်ၵမ်းၵေႃႈႁဵတ်းႁႂ်ႈသၽဝထၢတ်ႈၸႂ်ႁဝ်းၸိုၼ်ႈပၢင်ႇမႃးယူႇၼင်ႇၵဝ်ႇ တွၼ်ႈတႃႇၶႃႈတေႉ ဝၼ်းလိုဝ်ႈယင်ႉၵၢၼ်ၼၼ်ႉ ၵႆႉလေႇႁႃတူၺ်းမူတ်ႉလႄႈမႅင်းၸိူဝ်းဢၼ်ယူႇၸမ်ၸိမ်ႁိမ်းႁွမ်းၼၼ်ႉယဝ်ႈ ပေႃးႁၼ်မၼ်းႁၢင်ႈလီ လၢၵ်ႇလၢႆးၼႆၵေႃႈထၢႆႇႁၢင်ႈမၼ်းဝႆႉ ၵမ်းၼၼ်ႉၵေႃႈဢဝ်မႃးတၢင်ႇၼိူဝ်ဢိၼ်းတိူဝ်းၼဵတ်ႇ ဢဝ်ပၼ်ၸိူဝ်းဢၼ်ဢမ်ႇလႆႈႁၼ်ၼၼ်ႉ လႆႈႁၼ်ၸွမ်းႁဝ်း ၵူၺ်းၸိုဝ်ႈမၼ်းၼၼ်ႉတေႉတေဢမ်ႇႁူႉၸၵ်းသဵင်ႈၼင်ႇၵဝ်ႇ လၢမ်းလိမ်းတၢင်ႇၸိုဝ်ႈမၼ်းၵႂႃႇႁဵတ်းၼၼ် တၢင်ႈ မူၼ်ႈၵျေႃႇၼႆႉဢမ်ႇလႆႈဢဝ်ငိုၼ်းသိုဝ်ႉ ၶႂ်ႈတူၺ်းမိူဝ်ႈလႂ်ၵေႃႈလႆႈ တူၺ်းၸွမ်းၵၼ်ၶႃႈလႄႈ ယူဝ်ၸၢင်ႈမူၼ်ႈၵျေႃႇၸွမ်းၵၼ်။

ၼႆႉပိူၼ်ႈႁွင်ႈၸိုဝ်ႈဝႃႈႁိုဝ်ဢမ်ႇႁူႉ ၵူၺ်းၵႃႈသီမၼ်လိူင်သူမ်ႈဝႆႉ ႁၢင်ႈလီၼင်ႇၵဝ်ႇ

 

မဵဝ်းၼႆၵေႃႈ တူဝ်ၽၢပ်ႉၽၢပ်ႉဝႆႉ တူဝ်လမ်ယဝ်ႉသမ်ႉမီးလၢႆးတွမ်ႇၶၢဝ်လႅင်တၢင်ႇဝႆႉၸွမ်းပိၵ်ႇ ႁၢင်ႈလီၼင်ႇၵဝ်ႇ။

သွင်တူဝ်လိုပ်ႈၸွမ်းၵၼ်

ၼႆႉၵေႃႈဢမ်ႇႁူႉၸၵ်းၸိုဝ်ႈမၼ်းလႄႈ ပိၵ်ႇမၼ်းသီလိူင်သဝ်ႈ မီးလၢႆးလမ်တၢင်ႇသွင်ၶၢင်ႈပိၵ်ႇ။

တူၺ်းတၢင်းၶၢင်ႈမၼ်းႁၼ်တွင်ႉမၼ်းလၢႆးလၢႆးဝႆႉ

ၼႆႉတေႉတေပဵၼ်ၵၢပ်ႈမိူဝ်ႈဢွၼ်ႇ

ၼႆႉၵေႃႈႁၢင်ႈလီ ၵျိူၵ်ႈတွမ်ၽၵ်းဢၢင်ႈၶၢင်

ၼႆႉၵေႃႈဢမ်ႇႁူႉၸၵ်းၸိုဝ်ႈမၼ်း ဢၼ်ပိူင်ႈပိူၼ်ႈၼၼ်ႉၵေႃႈတီႈႁူဝ်မၼ်းၶႃႈ ၵူမ်ႈၵူမ်ႈဝႆႉ

 ၼႆႉပဵၼ်ၵုင်ႇၵၢဝ်

ၼႆႉတေႉယၢမ်ႈလႆႈငိၼ်းၸိုဝ်ႈမၼ်းဝႃႈ မႅင်းၸၢင်ႉငွမ်ႇ ၵူၺ်းၵႃႈတူဝ်မၼ်းယႂ်ႇဝႆႉ ယူဝ်ၶေးတေပဵၼ်မဵဝ်းလဵဝ်ၵၼ်ၵေႃႈႁိုဝ်ဢမ်ႇႁူႉ ဢၼ်ၵူၼ်းၵူႈပွၵ်ႈၵႆႉၵိၼ်တူဝ်လိပ်းမၼ်း ဢဝ်မႃးၵပ်းၼမ်ႉၽိတ်ႉ

လုၵ်ႈမၢဝ်ႇၵျိူၵ်ႈတူၺ်းလႄႈထၢႆႇႁၢင်ႈမၼ်းၸွမ်း

ႁွႆၵႃႉ

ၼႆႉၵေႃႈဢမ်ႇငၢႆႈ ၽၢမ်းတူဝ်မၼ်းငၢႆးမိူၼ်ၵိင်ႇမႆႉႁႅင်ႈ ပေႃးဢမ်ႇတူၺ်းလီလီ ထၢင်ႇဝႃႈပဵၼ်လမ်းယႃႈမိူင်းႁၢမ်း ယႃႈၶႃႈၽင်ႉ

ၼႆႉပဵၼ်ၶႆႇမႅင်း ၵူၺ်းၵႃႈဢမ်ႇႁူႉဝႃႈပဵၼ်ၶႆႇမႅင်းမဵဝ်းၸႃႉလႂ်

 ၼႆႉၵေႃႈႁၢင်ႈလီ ၵႆႉလႆႈငိၼ်းၵႂၢမ်းထႆးတၢင်ႇၸိုဝ်ႈမၼ်းဝႃႈ မႅင်းတဝ်ႇထွင်း တႆးႁဝ်းတေဝႃႈႁိုဝ် မႅင်းတဝ်ႇၶမ်းၼႆႉယူဝ်ႉ။

မူတ်းယဝ်ႉၶႃႈ ၵမ်ႉပေႃးမီးၶၢဝ်းယၢမ်းတေဢဝ်မႃးတၢင်ႇၼေဝႆႉထႅင်ႈ။
မႂ်ႇသုင်ၶႃႈ။