မၢၵ်ႇၽႃႈၸွႆႈထႅမ်ၵူၼ်းၶႂ်ႈယွမ်

ၼမ်ႉမၢၵ်ႇၽႃႈ ပဵၼ်ယႃႈယႃၸွႆႈထႅမ်လွင်ႈၶျေႃႉယွမ်းတၢင်းပီးၵူၼ်းႁဝ်း။

မိူဝ်ႈၼႆႉၶႃႈႁဝ်းမီးလွင်ႈၼမ်ႉၵတ်း ၼမ်ႉမၢၵ်ႇၽႃႈမႃးၼေပၼ်ၶႃႈ ပဵၼ်ၶေႃးလမ်ႈၶွင် The Lemon Juice Diet ပပ်ႉလိၵ်ႈ New Book ဢၼ်ၼၢင်း ထေးရေးသႃး ၶျဵင်း လႆႈတႅမ်ႈၼေပၼ်တၢင်းႁူႉလွင်ႈၵူၼ်းႁၼ်ထူပ်းပၼ်ႁႃ ပီးယႂ်ႇလူင် ဢၼ်ၸၢင်ႈၵေႈပၼ်ႁႃလႆႈယွၼ်ႉၵိၼ် ၼမ်ႉမၢၵ်ႇၽႃႈၼၼ်ႉၶႃႈ။

မၢၵ်ႇၽႃႈ လႆႈလဝ်ႈလိုဝ်းၵၼ်မႃးႁိုင်ယဝ်ႉဝႃႈ မၼ်းၸွႆႈထႅမ်ႈလွင်ႈလူတ်းယွမ်းတၢင်းပီႈၵူၼ်းႁဝ်း သင်ဝႃႈႁဝ်း ႁဵတ်းၸွမ်းလၢႆးပိူင် 3 ပိူင် ႁဝ်း တေၸၢင်ႈယွမ်းလူင်းလႆႈၼင်ႇၶႂ်ႈပဵၼ်။ 

 

 

1. ၵိၼ်ၼမ်ႉ မၢၵ်ႇၽႃႈ ၸွမ်းၼမ်ႉဢုၼ်ႇဢုၼ်ႇၵူႈၼႂ်။

ၼင်ႇႁိုဝ်တေၸၢင်ႈၸွႆႈထႅမ်လွင်ႈၼမ်ႉယွႆႈၼႂ်းထူင်ၶဝ်ႈႁဝ်း ၼၼ်ႉ မၢၵ်ႇၽႃႈ ပဵၼ်မၢၵ်ႇမႆႉဢၼ်မီးဝိတႃးမိၼ်း သီးၼမ်သုတ်း ဢမ်ႇၵွမ်ႉဝႃႈမၼ်းတေၸွႆႈပေႇလူမ်းၼၢဝ်ၵူၺ်း ယင်းမီးလွင်ႈၸၢမ်းထၢတ်ႈ ဢၼ်ၵျွင်းၸၼ်ႉၸွမ် ဢႄးရိသူဝ်ၼႃႈ လႆႈၸိၸမ်ႈၼေမႃးဝႃႈ ၵေႃႉလႂ်ဢၼ်ၵႆႉၵိၼ်မၢၵ်ႇမႆႉဢၼ်မီးဝိတႃးမိၼ်းသီးၼမ်ၼၼ်ႉ တၵ်းမီး ၽွၼ်းလီတႃႇပၢႆးယူႇလီ လွင်ႈၼမ်ႉယွႆးထူင်ၶဝ်ႈတေၵိုၼ်းလီ ၸၢင်ႈၸွႆႈထႅမ်လူတ်းယွမ်းတၢင်း ပီးၸဝ်ႈၵဝ်ၼၼ်ႉ လီလိူဝ်ၵူႈလၢႆးလၢႆး လိူဝ်သေၼၼ်ႉ မၢၵ်ႇၽႃႈယင်းၸွႆႈထႅမ်ၵႃယလုတ်ႇၸိုမ်း ဢဝ်ၶႅၼ်းသျဵမ်ႈဢၼ်ယူႇၼႂ်းသဵလ်း ၶႆမၼ်း လွင်ႈၸၢမ်းထၢတ်ႈယင်း လၢတ်ႈၼေထႅင်ႈဝႃႈ ၶႅလ်းသျဵမ်ႈဢၼ်ယူႇၼႂ်းတူဝ်ႁဝ်းၼမ်ၼမ်ၼၼ်ႉ တေၸၢင်ႈ ၸွႆႈၽဝ်လၢၼ်ႇပႅတ်ႈၶႆမၼ်း လႆႈလီၶိုၼ်ႈလိူဝ်ၵဝ်ႇ။

2. ၵိၼ်ၽၵ်းလႄႈမၢၵ်ႇမႆႉတီႈဢေႇသုတ်းၼိုင်ႈဝၼ်း 5 မဵဝ်း။
ၵွပ်ႈပိူဝ်ႈဝႃႈၽၵ်းလႄႈမၢၵ်ႇမႆႉၵူႈၸိူဝ်း တေမီးတၢင်းၼမ်ၶဵလ်းလေႃးရီႈဢေႇ ၵူၺ်းမီးဝိတႃးမိၼ်း ႁေႈထၢတ်ႈ သဵၼ်ႈယႂ်း လႄႈသၢၼ်ဢႁႃႇရ ၸုင်ႇၸေးၵူႈမဵဝ်း တေၸၢင်ႈၸွႆႈထႅမ်လွင်ႈမေးထၢတ်ႈႁေႃးမူၼ်းၼႂ်းတူဝ်ႁဝ်း ႁဵတ်းႁႂ်ႈသဵၼ်ႈလိူတ်ႈလုပ်ႇဢဵၼ်ၼိမ်သဝ်း။



3. မူၼ်ႉမေးထၢတ်ႈဝၢၼ်ၼမ်ႉတၢၼ်ၼႂ်းလိူတ်ႈ  
မိူဝ်ႈလႂ်ႁဝ်းၵိၼ်ၽၵ်း ႁႂ်ႈမိပ်ႇၼမ်ႉမၢၵ်ႇၽႃႈလူင်းၵႂႃႇလေႃးၼႂ်းၽိူၼ်ၽၵ်းႁဝ်းၵူႈၵမ်း ဢမ်ႇၼၼ်ႁႂ်ႈလေႃးပိူၵ်ႇ မၢၵ်ႇၽႃႈလူင်းၼႂ်းၼမ်ႉသူတ်ႉ ဢမ်ႇၼၼ်မိပ်ႇၼမ်ႉမၢၵ်ႇၽႃႈသႂ်ႇၼိူဝ်ႉ သႂ်ႇပႃ ဢွၼ်တၢင်းမိူဝ်ႈႁဝ်းတေၵိၼ်ၼၼ်ႉ ၵွပ်ႈပိူဝ်ႈဝႃႈၼမ်ႉမၢၵ်ႇၽႃႈပဵၼ်ၼင်ႇသၢႆယႂ်း တေၸွႆႈထႅမ် လွင်ႈယွႆႈၼႂ်းထူင်ၶဝ်ႈႁဝ်းၼၼ်ႉလီလိူဝ်ၵဝ်ႇ ယဝ်ႉၵေႃႈ တေၸၢင်ႈၸွႆႈၶျေႃႉလွင်ႈဝၢၼ်ၼမ်ႉတၢၼ်ၼႂ်းလိူတ်ႈႁဝ်းပႃးၸွမ်းထႅင်ႈ။ 


လိူဝ်ၼၼ်ႉယဝ်ႉယင်းမီးလွင်ႈလဵပ်ႈႁဵၼ်းဢၼ်ၵျွင်းၸၼ်ႉၸွမ် Journal of the America College of Nutrition လႆႈရၢႆးငၢၼ်းဝႃႈ ၶႃးၿူဝ်း ႁႆးၻြဵတ်ႇဢၼ်မီးၸွမ်းပိူၵ်ႈမၢၵ်ႇၽႃႈၼၼ်ႉ ၸွႆႈထႅမ်ႁဝ်းဢမ်ႇၶႂ်ႈၵိၼ်ၶဝ်ႈထႅင်ႈတႃႇ 4 ၸူဝ်ႈမွင်းလူးၵွၼ်ႇ ပိူၵ်ႇမၢၵ်ႇၽႃႈၵေႃႈမီးၾႆးၿိူဝ်ႈၼမ် ၸွႆ်ႈထႅမ်လွင်ႈၵၢၼ်ယွႆႈၼႂ်းထူင်ၶဝ်ႈ မၼ်းတေၸွႆႈလုတ်ႇ ၸိုမ်းၼမ်ႉတၢၼ်ၼႂ်းလိူတ်ႈလႆႈလီလိူဝ်ၵဝ်ႇ မိူဝ်ႈလႂ်ႁဝ်းၵိၼ်မၢၵ်ႇၽႃႈ ၼင်ႇႁၢင်ႈ ဝႃႈႁဝ်းတေဢိမ်ႇၵႂႃႇတၢင်းႁိုင်။

ၶွပ်ႇၵုၼ်ႇၶေႃႈမုၼ်းတီႈ  www.healthcorners.com ၶႃႈ။