တမ်မၢၵ်ႇဢူဝ်း

မႂ်ႇသုင်ၶႃႈ မိူဝ်ႈၼႆႉယူႇႁိူၼ်းဢမ်ၸၢင်ႈႁဵတ်းသင် မႃးဢွၼ်ၵၼ်တမ်ၵိၼ်မၢၵ်ႇဢူဝ်းၶႃႈ ၵူၺ်းၵႃႈပဵၼ်လၢႆးတမ်မၢၵ်ဢူဝ်းယူၼ်းဝႃႈၼႆၶႃႈ၊

ၵိရိယႃႇမၼ်း
1. မၢၵ်ႇဢူဝ်း သူမ်ႈၵေႃႈလႆႈ ၸဵမ်းၵေႃႈလႆႈ ၵမ်ႈၼမ်သူမ်ႈ
2. မၢၵ်ႇၽိတ်ႉလိပ်
3. ၽၵ်းႁေႃ
4. ၶႃးႁွမ်
5. ၼမ်ႉပူ (ယူၼ်း မီးၶၢႆပဵၼ်ဢႅပ်ႇ)
6. ထွင်းသႃး ဢမ်ႇၼၼ်ပႃႁႃႉ
7. ၽၵ်းၵီးယူၼ်း
8. ၵုင်ႈႁႅင်ႈ ဢမ်ႇၼၼ်ပႃႁႅင်ႈတမ်
9. မၢၵ်ႇၶိူဝ်ၶွပ်ႈ မၢၵ်ၶိူဝ်ၶၼ်းလႆႈမူတ်းၵမ်ႈၵျိူၵ်ႈ

လၢႆးႁဵတ်းမၼ်း
>ၵွၵ်းမၢၵ်ႇဢူဝ်းဝႆႉထႃႈဢဝ်သႂ်ႇဝၢၼ်ႇဝႆႉ
>သွႆးၶႃးႁွမ် ၽၵ်းၵီးယူၼ်း လႄႈသွႆးမၢၵ်ၶိူဝ်ဝႆႉထႃႈ
>တမ်ပႃႁႅင်ႈ လႄႈလၢင်ႉၵုင်ႈႁႅင်ႈဝႆႉၼႂ်းဝၢၼ်ႇ
>တမ်မၢၵ်ႇၽိတ်ႉလိပ်းလႄႈၽၵ်းႁေႃလေႃးၵၼ် >ဢဝ်ၼမ်ႉပူလူင်းတမ်လေႃးႁႂ်ႈမၼ်လႅဝ်ၶဝ်ႈၵၼ်
>ပေႃးမၼ်းလႅဝ်တၢၼ်ႇတၢၼ်ႇယဝ်ႉသႂ်ႇမၢၵ်ႇဢူဝ်းၼႂ်းၶူၵ်ႉ ၵူၺ်းၵႃႈယႃႇၶိၶႃႉတမ် ႁႂ်ႈဢဝ်သၢၵ်ႇယဝ်ႈထူဝ်းဢဝ်လွႆးလွႆး
>သိုပ်ႇၼၼ်ႉၵေႃႈဢဝ်ၶႃးႁွမ်သွႆး မၢၵ်ၶိူဝ်သွႆး ၽၵ်းၵီးယူၼ်းသွႆး လႄႈၵုင်ႈႁႅင်ပႃတမ်သႂ်ႇလူင်းၵႂႃႇ ဢဝ်ၸေႃႉယူင်း ဢဝ်သၢၵ်ႇယဝ်ႈႁႂ်ႈၶဝ်ႈၵၼ် ၸိမ်းတူၺ်းၵိူဝ် ပေႃးၸၢင်ဢဝ်ၼမ်ႉပႃ ဢမ်ႇၼၼ်ၵိူဝ်ၽွၵ်း မၢင်ၵေႃႉသႂ်ႇပႃးၽွင်ဝၢၼ်။

ၺဵတ်းၸိူင်ႉၼႆၵေႃႈၶႂ်ႈဝၢၼ်ဝႆႉၶႃႈ။

မႂ်ႇသုင်ၶႃႈ ၸၢမ်းႁဵတ်းတူၺ်းလႄႈၵေႃႉၶဝ်။