ႁဵပ်းတွပ်း

"ႁဵပ်းတွပ်း"

ႁဵပ်းတွပ်းၼႆႉ လူင်ႇမၼ်းမူၼ်းမိူၼ်ႁၢင်ႈၶႆႇ တၢၼ်ႇမၢၵ်ႇလုင်းလိၼ်ၼၼ်ႉၶႃႈ မၼ်းတေဢွၵ်ႇမိူဝ်ႈၶဝ်ႈၶၢဝ်းၾူၼ်တူၵ်းမႂ်ႇမႂ်ႇ လိူၼ်ႁူၵ်း လိူၼ်းၸဵတ်း လိူၼ်ပႅတ်ႇၸိူဝ်းၼႆႉၶႃႈ မၼ်းတေဢွၵ်ႇၸွမ်းပႃႇမႆႉတိုင်း မႆႉယၢင်း ၸွမ်းပႃႇမၢၵ်ႇႁိၼ်ၶေႃႈၶႄႈ ပေႃးဢမ်ႇတူၺ်းလီလီ ထၢင်ႇဝႃႈပဵၼ်မၢၵ်ႇႁိၼ် မၼ်းမူၵ်းယူႇၼႂ်းလိၼ် တေလႆႈၶူတ်ႉယၢႆးဢဝ် ယူႇၼႂ်းလိၼ်ဢမ်ႇလိုၵ်ႉမွၵ်ႈသွင်သၢမ်ငွၵ်းမိုဝ်းၼႆႉၵူၺ်းၶႃႈ မၢင်ဢၼ်ၵေႃႈတေႁၼ်ပူဝ်ႇလိၼ်ယူႇ ပေႃးယူႇၸွမ်းဢလၢပ်ႈဢလႃႇပႃႇမႆႉတိုင်း မႆႉယၢင်းၵေႃႈသွၵ်ႈႁႃၵိၼ်တူၺ်းၶႃႈ ၵူၺ်းၵႃႈလူဝ်ႇ လႆႈဝႆႉသတိဢိတ်းၼိုင်ႈ၊ ၵူဝ်းၺႃးႁဵပ်းတွပ်ႉဝိူဝ်ႇ (ၿိူဝ်ႇ) ႁူၺ်ႇမၼ်းတေၶူၼ်ၶူၼ် မီးယႂ်းၶၢဝ်ဝႆႉၶႃႈ ပေႃးၺႃးႁဵပ်းတွပ်းၸိူင်ႉၼႆယႃႇ ပေဢဝ်မႃးၵိၼ်ၶႃႈ ႁဵပ်းတွပ်းတေႉၼၼ်ႉ တေၶိုၼ်ႈၸွမ်းပႃႇမႆႉတိုင်း မႆႉယၢင်း ၽိဝ်ႁူၺ်ႇမၼ်းၵဵင်ႈ ဢမ်ႇၶူၼ်းယႂ်းၶၢဝ် ဢမ်ႇၼၼ် ၵေႃႈၸွပ်ႇထၢမ်ၵူၼ်းယၢမ်ႈႁူႉၸၵ်းဢွၼ်တၢင်းၵေႃႈတေလီၶႃႈ ဢမ်ႇၼၼ်ႉၵေႃႈပေႃးမီးၶၢဝ်းယၢမ်းၼႆႉၵေႃႈ၊ ၵေႃႉဢၼ်ႁူႉၸၵ်းလီ ၼၼ်ႉ ထုၵ်ႇလီဢွၼ်ပိူၼ်ႈၵႂႃႇႁႃ ၼင်ႇႁိုဝ်လုၵ်ႈလၢၼ်ၵူၼ်းႁုၼ်ႈသႅၼ်းမႂ်ႇတေႁူႉၸၵ်း မေႃႁႃၵိၼ် ။

မႂ်ႇသုင်ၶႃႈ

ၼႆႉပဵၼ်ႁဵပ်းတွပ်းဢၼ်ဢွၵ်ႇၸွမ်းလိၼ် တေႁၼ်လူင်ႇမၼ်းမူၼ်းမူၼ်းပေႃႇလိၼ်ဝႆႉ ပေႃးၶူတ်ႉတူၺ်းလီလီ
တေႁၼ်မၼ်းမူၵ်းၼႂ်းလိၼ်ထႅင်ႈ။ 

ပႃႇႁဵပ်းတွပ်း ပႃႇမၢၵ်ႇႁိၼ်ၶေႃႈၶႄႈ ၸွမ်းထိူၼ်ႇလွႆမႆႉပႃႇတိုင်း ။