ၽၵ်းသဵဝ်ႈ

ပေႃးလၢတ်ႈၶိူဝ်းၽၵ်းၶိူဝ်းယိူဝ်ႈမႃးၼႆၵေႃႈ ၽၵ်းသဵဝ်ႈၼႆႉၵေႃႈပဵၼ်ၽၵ်းၶဵဝ်းၸႃႉၼိုင်ႈၼင်ႇၵဝ်ႇဢၼ်ႁဝ်းမၵ်းၵၼ် ၵွပ်ႈဝႃႈႁဝ်းၸၢင်ႈဢဝ်မႃးၵႅင်လေႃးၽၵ်းႁႃႈ ၽၵ်းမၼ်း ႁဵတ်းၽၵ်းၶဵဝ်ၶူဝ်ႈ ၵႅင်မၼ်းယူဝ်းယူဝ်းၵေႃႈလႆႈ ဢမ်ႇ ၼၼ်ၵေႃႈဢဝ်ၵႂႃႇၼိုင်ႈၵပ်းၼမ်ႉၽိတ်ႉၼွၵ်း ၼမ်ႉၽိတ်ႉၽူး ၼမ်ႉၽိတ်ႉဢွင်ႇၵေႃႈလႆႈ ။

ၽၵ်းသဵဝ်ႈၼၼ်ႉလႆႈဝႃႈၽုၵ်ႇငၢႆႈယူႇၼင်ႇၵဝ်ႇ ၵွပ်ႈဝႃႈမၼ်းယႂ်ႇဝႆး ၸဵဝ်းလႆႈၵဵပ်းၵိၼ် လၢႆးဝူင်းၸိူဝ်ႉၽၼ်းမၼ်း ၵေႃႈဢမ်ႇယၢပ်ႇႁႃထူင်ပလၢတ်ႉသတိၵ်း ဢဝ်ဝူင်းၼႂ်းထူင်ၼႆႉၵေႃႈလႆႈ ဢမ်ႇၼၼ်ၵေႃႈဢဝ်တူၼ်ႈဢၼ်မၼ်းဢွၵ်ႇ ႁၢင်းၵူၺ်းၵႂႃႇၽုၵ်ႇၵေႃႈလႆႈဢဝ်ၽုၵ်ႇၸွမ်းႁူဝ်ႉၸွမ်းႁိူၵ်ႈ ၸွမ်းထဵင်ႁႆႈထဵင်ၼႃးၵေႃႈႁၼ်မီးယူႇ ပၢႆဢမ်ႇၵႃးႁဝ်းလႆႈၵိၼ်ၽၵ်းယိူဝ်းၼၢင်းၶဵဝ်ဢၼ်ပွတ်ႇသၢၼ်ၽိတ်ႉ (သၢၼ်ၶေးမီး) ၸွမ်းၵၢတ်ႇၸွမ်းသႃးလႆႈၼင်ႇၵဝ်ႇ

ၶၢဝ်းဢၼ်မၼ်းပူင်ႇယွတ်ႈၼႆၵေႃႈပဵၼ်ၶၢဝ်းႁႅင်ႈ လိူၼ်ႁႃႈတေႃႇထိုင်လိူၼ်ႁူၵ်း ၼၼ်ႉၶႃႈယဝ်ႈ။

တူၼ်ႈၽၵ်းသဵဝ်ႈဢၼ်မီးတီႈႁိူၼ်းၶႃႈ ၽွင်းမိူဝ်ႈလိူၼ်ႁူၵ်းမႂ်ႇ ႑႑ ၶမ်ႈ ပီ ႒႐႑႔ 

ယွတ်ႈၽၵ်းသဵဝ်ႈဢၼ်ၶႃႈၶိုၼ်ႈၵဵပ်း။

ၼႆႉၶႃႈၵဵပ်းမႃးဝႆႉတွၼ်ႈတႃႇႁဵတ်းၽၵ်း ဢဝ်မႃးၵႅင်။

ၼႆႉပဵၼ်မၢၵ်ႇတႅပ်းသဵဝ်ႈ သင်ဝႃႈၶႂ်ႈဢဝ်ၵႂႃႇဝူင်းပဵၼ်တူၼ်ႈမႂ်ႇတႃႇၽုၵ်ႇသွမ်ႈၼႆၵေႃႈလႆႈၶႃႈ 

ယႃႇလိုမ်းၽုၵ်တူၼ်ႈသဵဝ်ႈဝႆႉၸွမ်းႁိူၼ်းၸွမ်းယေးၶႃႈ လႆႈႁူမ်ႈၵတ်းယဵၼ်ယဝ်ႉလႆႈပႃးၽၵ်းၶဵဝ်ဝၢၼ်ဝၢၼ်။

မႂ်ႇသုင်ၶႃႈ။