မၢၵ်ႇတႅပ်းၸလၢၼ်း

မၢၵ်ႇတႅပ်းၸလၢၼ်း ပဵၼ်တၢင်းၵိၼ်ဢၼ်ၶႃႈႁဝ်းသူင်မၵ်းၵိၼ်တႄႉယဝ်ႈ မိူဝ်ႈတိုၵ်ႉလဵၵ်ႉဢွၼ်ႇၼၼ်ႉ ၵႆႉၵႆႉၵႂႃႇ သွၵ်ႈႁႃမႃးၶူဝ်ႈ
ၵိၼ်ၼႃႇ ၶၢဝ်းသွၵ်းႁႃမၼ်းၼႆၵေႃႈတေဢဝ်ၶၢဝ်းႁႅင်ႈလိူၼ်သီႇလိူၼ်ႁႃႈၼႆႉၵႂႃႇၶႃႈယဝ်ႈ လွင်ႈၵဵပ်း မၼ်းတႄႉဢမ်ႇယၢပ်ႇဢမ်ႇငၢႆႈ
ၵႂႃႇလွမ်လွမ်တူၺ်းၸွမ်းတႂ်ႈတူၼ်ႈမၼ်းၵူၺ်းၵေႃႈတေၸၢင်ႈထူပ်းႁၼ်ယူႇ ယိူင်ႈ ၶိင်ႇၼႆႉၾႆးမႆႈပႃႇလၢမ်းလွႆ မႂ်မႆႉမႂ်တွၵ်ႇၵေႃႈ
ဢေမၢင်ၺႃးၾႆးလၢင်ႉပႅတ်ႈမူတ်းယဝ်ႈ ၵူၺ်းၵႃႈမၢင်တီႈတႄႉၾႆး ဢမ်ႇမႆႈလႄႈတေၸၢင်ႈသွၵ်ႈႁႃယၢပ်ႇယူႇ မိူဝ်ႈႁဝ်းတိုၵ်ႉလဵၵ်ႉ
တႄႉ ၵွပ်ႈဝႃႈမႆႉၸလၢၼ်းႁႃငၢႆႈလႄႈ ဝၢႆႇၵႂႃႇတၢင်း လႂ်ၵေႃႈႁၼ် မိူဝ်ႈလဵဝ်တႄႉဢမ်ႇပဵၼ်ၼၼ်ယဝ်ႉ တူၼ်ႈမႆႉၸလၢၼ်းၺႃးတႅပ်း
ဢဝ်ၵႂႃႇႁဵတ်းသဝ်ႁိူၼ်း ဢဝ်ၵႂႃႇ ႁဵတ်းၽိုၼ်းၼမ်ယဝ်ႉလႄႈ ႁႃတူၼ်ႈမႆႉၸလၢၼ်းယၢပ်ႇဝႆႉတႄႉ တေၺႃးယူႇၵေႃႈပဵၼ်တူၼ်ႈဢၼ်
ဢမ်ႇပေႃး သၢၼ်း မွတ်ႈမွတ်ႈမႅင်းမႅင်းဝႆႉ ပီၼႆႉၵေႃႈၶႃႈတေႁႃၵဵပ်းမၢၵ်ႇတႅပ်းၸလၢၼ်းယူႇ ပဵၵ်ႉသမ်ႉဝႃႈမၼ်းဢမ်ႇပေႃးဢဝ်မႃး
ၶူဝ်ႈၵိၼ်လႆႈၼႆၵေႃႈၶႃႈတေသိုပ်ႇၵဵပ်းမၼ်းယူႇ ပေႃးၶႃႈၽုၵ်ႇဝႆႉ ယူဝ်ၶေးလုၵ်ႈလၢၼ်ဢၼ်ၵိူတ်ႇမႃးပႃးလိုၼ်း တေၸၢင်ႈထူပ်းႁၼ်
မၼ်းယူႇ ၶႃႈယုမ်ႇယမ်ဝႆႉၸိူင်ႉၼၼ်။........