ဢီႇၵုၵ်ႈ

ဢီႇၵုၵ်ႈ
ဢီႇၵုၵ်ႈဢၼ်ဝႃႈၼၼ်ႉမၼ်းပဵၼ်ဢီႈသင်လႄႈၼႃ မၢင်ၵေႃႉၵေႃႈတေဢမ်ႇယၢမ်ႈႁၼ်သေပွၵ်ႈ ဢီႈၵုၵ်ႈၼႆႉပဵၼ်မႅင်းဢိင်ဢီဢၼ်ၵျိူၵ်ႈ
ၵိၼ်ၵွင်ၶီႈၵႂၢႆး မႄႈဢိင်ႇဢီၼႆႉဢဝ်လုင်းဢဝ်ၶီႈၵႂၢႆးလူင်းၵႂႃႇၾင်ဝႆႉၼႂ်းလိၼ် လုင်းၵွင်ၶီႈၵႂၢႆးၼႆႉထၢၼ်ႇမွၵ်ႈမၢၵ်ႇၽႃႈလူင်ၼၼ်ႉၶႃႈယဝ်ႈ
မၼ်းတေၶႆႇဝႆႉၼႂ်းလုင်းၶီႈၵႂၢႆးၼၼ်ႉ ပေႃးတူဝ်ဢိင်ႇဢီဢွၼ်ႇယႂ်ႇမႃးၼႆၵေႃႈမၼ်းတေၵိၼ်ၶီႈၵႂၢႆးၼၼ်ႉပဵၼ်ဢႁယႃႉ ထၢၼ်ႈပေႃးတူဝ်ယႂ်ႇ
ယဝ်ႉၵေႃႈၸင်ႇၵၼ်ႈပဵၼ်မႅင်းဢိင်ႇဢီၵႂႃႇ တူၺ်းဢဝ်ၸွမ်းၶႅပ်းႁၢင်ႈဢၼ်ၶႃႈထၢႆႇဢဝ်မႃးၼေၼႆႉၶႃႈ။

ၼႆႉပဵၼ်ဢီႇၵုၵ်ႈဢၼ်တိုၵ်ႉပဵၼ်တူဝ်မူင်ႈၼွၼ်ယူႇ မၼ်းၵိၼ်ၶီႈၵႂၢႆးဢၼ်တူဝ်ပေႃႈမႄႈမၼ်းလုင်းဝႆႉပၼ်ၼၼ်ႉ တႆးႁဝ်းၵေႃႈႁူႉၸၵ်း

လၢႆးဢဝ်မႃးၵိၼ်ပဵၼ်ၽၵ်းယူႇ ၵူၺ်းၵႃႈႁႂ်ႈမၼ်းဝၢၼ်လီတႄႉလူဝ်ႇလႆႈပဵၼ်တူဝ်ဢၼ်ၵၼ်ႈမၼ်းယဝ်ႉၼၼ်ႉၶႃႈ ၵွပ်ႈဝႃႈမၼ်းတေ

ဢမ်ႇၵိၼ်ၶီႈၵႂၢႆးယဝ်ႉ တူဝ်မၼ်းတေလိူင်ဝႆႉဢိတ်းဢိတ်း မီးပိၵ်ႇမီးၶႃငၢႆးမိူၼ်ၼင်ႇတူဝ်မႄႈမၼ်းယဝ်ႉၶႃႈ

  ၼႆႉပဵၼ်လုင်းၵွင်ၶီႈၵႂၢႆးဢၼ်ဢီႇၵုၵ်ႈၶႆႇဝႆႉတၢင်းၼႂ်းမၼ်းယဝ်ႉ

ၼိုင်ႈလုင်းမီးၼိုင်ႈတူဝ်ၶႃႈ

ၼႆႉတႄႉဢမ်ႇၸႂ်ႈ ၵူၼ်းၶၢႆမၼ်းဢဝ်သွင်တူဝ်မႃးဝႆႉလုင်းလဵဝ်ၵၼ်ၵူၺ်း

ၸိူင်ႉႁိုဝ်ၵေႃႈလီ သတ်ႇတဝႃႇမူတ်ႉမႅင်းၸိူဝ်းၼႆႉပိုင်ႈဢိင်ၵၼ်လႄႈ သင်ဝႃႈဝူဝ်းၵႂၢႆးဢမ်ႇလိူင်ႇယဝ်ႉ တူဝ်မႅင်း

ၸိူဝ်းၼႆႉၸၢင်ႈႁၢႆၵႂႃႇယူႇ ၵွပ်ႈဝႃႈမၼ်းပိုင်ႈဢိင်ဢႁယႃႉၸွမ်းဝူဝ်းၵႂၢႆး