ၽုၵ်ႇမၢၵ်ႇသၢင်းေၽႃး

မၢၵ်ႇသၢင်းေၽႃးၼၼ်ႉ ၽႂ်ဢမ်ႇတွၼ်ႉၽုၵ်ႇၸပ်း ဢမ်ႇယၢမ်ႈဝူင်းပဵၼ်တူၼ်ႈလႆႈေသပွၵ်ႈ မူိဝ်ႈၼႆႉၶႃႈႁဝ်းမီးလၢႆးဝူင်းမၢၵ်ႇ သၢင်းေၽႃးႁႂ်ႈမၼ်းဢွၵ်ႇပဵၼ်တူၼ်ႈလႆႈ ၵူၺ်းၵႃႈၶၼ်ႈတွၼ်ဢဝ်ၵႂႃႇၽုၵ်ႇသွမ်ႈလူင်းလိၼ်ႄတႉ ၶိုင်ဢဝ်ႁၢင်းၵူၺ်းၶႃႈ ၶႃႈေၵႃႈ ၸဵမ်လဵၵ်ႉေတႃႇယႂ်ႇဢမ်ႇတွၼ်ႈယၢမ်ႈဝူင်းလႆႈေသပွၵ်ႈ ၽုၵ်ႇမိူဝ်ႈလႂ်ေၵႃႈတူၼ်ႈဢွၼ်ႇမၼ်းဢမ်ႇငွင်ႉေသပွၵ်ႈ ဢဝ်ပိုၼ်ေၵႃႈ
ဢမ်ႇဢွၵ်ႇ ၸင်ႇလႆႈသွၵ်ႈႁႃတၢင်းႁူႉတၢင်းဢိၼ်ႇတိူဝ်ႇၼဵတ်ႇ ႁူႉလၢႆးမၼ်းယဝ်ႉေၵႃႈဢဝ်မႃးၸၢမ်းတူၺ်းႁဵတ်းတူၺ်းသမ်ႉဝႃႈ ဢွၵ်ႇငွင်ႉယူႇဝႃႇ ေပႃးႁူႉဝႃႈမၼ်းလႆႈယူႇၼႆေၵႃႈေတဢဝ်တၢင်းႁူႉၼႆႉမႃးပိုၼ်ေၽႈပၼ်ဢူၺ်းေၵႃႉႁဝ်းဢၼ်ဢမ်ႇယၢမ်ႈဝူင်း တူၼ်ႈမၢၵ်ႇသၢင်းေၽႃးၼၼ်ႉလႆႈေသပွၵ်ႈ ဢွၼ်ၵၼ်ၸၢမ်းတူၺ်း ေတမီးလၢႆးႁဵတ်းႁိုဝ်ၼႆေၵႃႈ သိုပ်ႇတူၺ်းၸွမ်းၶႃႈႄလႈ။

ဢွၼ်တၢင်းသုတ်းႁႂ်ႈဢဝ်မဵတ်ႉမၢၵ်ႇသၢင်းေၽႃးဢၼ်ႁဝ်းၵိၼ်မၢၵ်ႇသုၵ်းမၼ်းယဝ်ႉၼၼ်ႉၵႂႃႇလၢင်ႇၼမ်ႉ သုၵ်ႈပႅတ်ႈၵႃႉသႂ်သႂ် ဢၼ်ေႁႃႇဝႆႉမဵတ်ႉမၼ်းၼၼ်ႉၵွၼ်ႇ ေပႃးလၢင်ႉဢွၵ်ႇမူတ်းယဝ်ႉေၵႃႈဢဝ်ၵႂႃႇေၸႈၼမ်ႉဝႆႉၶိုၼ်းၼိုင်ႈ ယဝ်ႉေၵႃႈၵႂႃႇႁႃဢႅပ်ႇသႂ် ဢၼ်သႅင်ၸၢင်ႈၶဝ်ႈလႆႈၼၼ်ႉမႃး ဢဝ်ေၸႈၸဵတ်ႉသူပ်း ထိတ်းၶျူး မႃးႁွင်းပိုၼ်ႉဢႅပ်ႇသႂ်ၼၼ်ႉ ဢဝ်ၼမ်ႉႁူတ်းႁႂ်ႈမၼ်းယမ်း
မိုၵ်းဝႆႉ ဢဝ်မဵတ်ႉမၢၵ်ႇသၢင်းေၽႃးသႂ်ႇဝႆႉလၢႆမဵတ်ႉေၵႃႈလႆႈၵမ်ႈႁဝ်းလူဝ်ႇ ယဝ်ႉေၵႃႈပိၵ်ႉၽႃႁူမ်ႇမၼ်းဝႆႉၶႃႈ။

 ပိၵ်ႉဝႆႉႁိုင်ၼၢၼ်းမွၵ်ႈၸူဝ်ႈသွင်ဝူင်ႈ - သၢမ်ဝူင်ႈ ဢမ်ႇၼၼ်ေၵႃႈႁိုင်ေသၼၼ်ႉဢိတ်းဢိတ်းေၵႃႈၸၢင်ႈပဵၼ်လႆႈယူႇ။

ပူၼ်ႉၵႂႃႇသွင်သၢမ်ဝူင်ႈယဝ်ႉေတႁၼ်ဝႃႈမဵတ်ႉမၢၵ်ႇသၢင်းေၽႃးတူၼ်ႈဢွၼ်ႇၼၼ်ႉေတငွင်ႉၶိုၼ်ႈမႃးၽွင်ႈယဝ်ႈ မၼ်းေတ ယင်ႇႁၢၵ်ႈမၼ်းလူင်းၸူးေၸႈ ထိတ်ႉၶျူး ဢဝ်မဵတ်ႉဢၼ်မီးႁၢၵ်ႈမၼ်းၼၼ်ႉၵႂႃႇသႂ်ႇၼႂ်းထူင်ဝူင်းၸိူဝ်ႉၽၼ်းတွၼ်ႈတႃႇေတ ႁႂ်ႈမၼ်းငွင်ႉဢွၵ်ႇပဵၼ်တူၼ်ႈ။

 ဢဝ်သႂ်ႇဝႆႉၵၢင်ထူင်ဝူင်းၸိူဝ်ႉၽၼ်း ေတႁၼ်ဝႃႈမၼ်းငွင်ႉဢွၵ်ႇမႃးယဝ်ႉ။

 ၸွမ်းတူၺ်းဝႃႈမၼ်းငွင်ႉလႆႈမိူၼ်ႁိုဝ် တူၼ်ႈပွတ်ႇလီႁိုဝ် ဢမ်ႇၼၼ်ေၵႃႈမီးမူင်ႈမႅင်းယႃႉၵဝ်းႁိုဝ် တူၼ်ႈဢွၼ်ႇ မၼ်းၼႆႉ မူတ်ႉ ႁွႆၵႃႉ ၵျူိၵ်ႈ ၵူဝ်မၼ်းမႃးၶူပ်း။

ဝၢႆးဢဝ်လူင်းထူင်ဝူင်းၸိူဝ်ႉၽၼ်းယဝ်ႉ မၼ်းငွင်ႉဢွၵ်ႇမႃးပဵၼ်တူၼ်ႈ မီးဝႂ်ယဝ်ႉၶႃႈ။

ၼႆႉၶႃႈဢဝ်မႃးၽုၵ်ႇလူင်းလိၼ်ယဝ်ႉ ႁၢင်ႈလီတေႉတေႉ